सर्जक तथा गायक अमृत भारतीको तीज गीत ” बाँदर लड्ने भीर” सार्वजनिक (भिडिओ)

नगरकोट—नेपाली नारीहरूको महान पर्व हरितालिका तीज नजिकिए सँगै बजारमा नयाँ—नयाँ तीजका गीत सार्वजनिक हुन थालेका छन् । एफ एम, रेडियो र टेलिभिजनमा समेत तिजका गीतहरु घन्किरहेका छन ।

कति गीतहरुले शिव भगवनको बयान गरेका छन् भने कति गीतहरुले नारिका बेदना पस्केका छन। माया प्रेममा आधरित रहेर पनि तिजका गितहरु बजारमा आएका छन्।

यसै क्रममा हरितालिका तिजको अवसर पारेर “बाँदर लड्ने भीर” बोलको मौलिक गीत बजारमा आएको छ ।

यस गीतमा चर्चित गायक राम कुमार नेपाली र गायिका शान्ति श्री परियार र मुना ठटालको सुमधुर स्वर सुन्न सकिन्छ ।

सर्जक तथा गायक अमृत भारतीको मौलिक शब्द तथा लयमा तयार भएको यस गीतको सङ्गीत संयोजन राम कुमार नेपालीले गरेका छन्।

यस गीतको म्युजिक भिडियोको परिकल्पना अमृत भारती आफैले गरेका हुन्। समाजमा घटेको वास्तविक घटनालाई भिडियोमा उतारिएको छ। विवाहित नारीले आफ्नो श्रीमान बाट पाउनु पर्ने माया नपाएको जाँड रक्सी खाएर श्रीमतीलाई दिन -दिननै पिट्ने, बिरामी पर्दा नहेर्ने जस्ता मर्म स्पर्शी पीडाका दृश्य यस भिडियोमा देखाईएको छ।

भिडियोमा शिशिर भण्डारी, रोशनी कार्की, मनोज लामिछाने, बिल बहादुर बि.क,सरिता राजोपाध्याय् , कृष्ण कुमारी र बिनिता दाहालको मुख्य भुमिका रहेको छ।

भिडियोको निर्देशन र कोरियोग्राफी शंखर बि.सीले गरेका छन् । राजेश घिमिरेको सिनेम्याटोग्राफी रहेको गीतको भिडियोलाई नवीन घर्ती मगरले सम्पादन गरेका हुन् ।

यस गीतको सुटिङ काभ्रेको मण्डनदेउपुर नगरपालिका वडा नं -१ को रमणीय स्थल गैरी गाँउ र ढाडा गाँउको विभिन्न ठाउँमा छायांकन गरिएको छ।

अमृत भारती , बिल बहादुर बि.क र नगेन्द्र खड्काको निर्माण रहेको यस गीतको भिडियोलाई अमृत भारतीको युट्युब च्यानलमार्फत सार्वजनिक भएको छ।