बाल यौन दुर्व्यवहारको आरोपमा प्रधानध्यापक र शिक्षकविरुद्ध उजुरी दर्ता

नगरकोट—काभ्रेको मण्डनदेउपुर नगरपालिका- ११ मा रहेको चण्डेनी माध्यामिक विद्यालयका दुई शिक्षकविरुद्ध बाल यौन दुर्व्यवहारको आरोपमा प्रहरीमा उजुरी दर्ता भएको छ ।

विद्यालयका प्रधानध्यापक ४२ वर्षिय हेमराज वि.क र ३२ वर्षिय शिक्षक बलेन्द्र भट्ट विरुद्ध जिल्ला प्रहरी कार्यालय काभ्रेमा बाल यौनदुर्व्यवहारको उजुरी दर्ता भएको जिल्ला प्रहरी कार्यालय काभ्रेका डिएसपी ढुण्डीराज न्यौपानेले जानकारी दिए ।

कक्षा १० को ट्यूशन कक्षा अतिरिक्त समय हुने र उक्त समयमा विद्यलयका हेडसर हेमराज सिलवाल (वि.क.) ले दूराशयपूर्ण ढंगले मनशाय राख्ने र जिस्काउने गरेको कुरा पीडितहरुले बताएका छन्। शुरुमा वडा कार्यालयमा निवेदन हालेका पिडित पक्षहरु नगरपालिका र विद्यालय नै लागेर पिडितलाई जोगाउन लागेको थाहा भएपछि आफुहरु जिल्ला प्रहरी कार्यालयमा गएर जाहेरी दिएको बताइएको छ ।

स्रोतका अनुसार पिडक हेमराज नगरको समाजवादीको तर्फबाट भागबण्डे हेडमास्टर भएको बताइएको छ । विद्यालयका छात्राहरुमाथी यौन दुराषय राख्ने प्र.अ. हेमराज सिलवाल र सहायक प्र.अ. बलेन्द्र भट्टमाथी किटानी जाहेरी भएको ३ दिनसम्म पक्रउ नभएकोप्रति स्थानीय र अभिभावकहरुको आपत्ति रहेको छ ।

पीडित बालिकाहरुका अनुसार साउन २१ गते शिक्षकहरुले दुर्व्यवहार गरेका थिए । पीडित ३ जना बालिकाहरुले बिहिबार प्रहरी कार्यालयमा उजुरी दर्ता गरेपछि शिक्षकहरुको खोजतलास भइरहेको प्रहरीले जनाएको छ ।

बालिकाहरु हाल अभिभावककै संरक्षणमा रहेका छन् ।

बाल यौन दुर्व्यवहारको आरोपमा प्रधानध्यापक र शिक्षकविरुद्ध उजुरी दर्ता