राजेश स्पन्दनको”गजल”

राजेश स्पन्दनको गजल

नदिबिनाको सुख्खा बगरझै भएको छु अचेल

मान्छेबिनाको शून्य नगरझै भएको छु अचेल

भन्छयौ किन आजकल तिमी खुबसुरत छौ

म सुन्दरता हराएको सुन्दरझै भएको छु अचेल

जति जे भन अहँ ऐँया!सम्म गर्ने तागत छैन

जे परे नि सहनसक्ने पत्थरझै भएको छु अचेल

व्यक्त गरुँ कसरी यो मनका बहावहरुलाइ म

नबोलेरै लाग्ने तीरको असरझै भएको छु अचेल

राजेश स्पन्दन, भक्तपुर