सरकारले पेट्रोलमा २० डिजेल र मट्टितेलको मूल्य २९ घटायो

काठमाडौँ- राती १२ बजे देखि लागू हुनेगरी सरकारले इन्धनको भाउ घटाएको छ । सत्ता गठनबन्धनको बैठकपछि सरकारले कर कटौती गरेर मूल्य घटाएको हो । उद्योग वाणिज्य तथा आपूर्तिमन्त्री दिलेन्द्रप्रसाद बडूले आज पत्रकार सम्मलेन गरी इन्धनको करमा कटौती गरेर पेट्रोलियम पदार्थको मूल्य घटाइएको बताए ।

मन्त्री बडूले पेट्रोलको मूल्य २० रुपैयाँको दरले घटाएको हो भने डिजेल र मट्टितेलको मूल्य २९ रुपैयाँको दरले घटाएको हो | आज राति १२ बजेपछि आइतबारबाट अब पेट्रोलको मूल्य प्रतिलिटर रु. १७९ र डिजेल तथा मट्टितेलको मूल्य प्रतिलिटर रु. १६३ कायम गरिने बताइएको छ ।सरकारको घोषणासँगै नेपाल आयल निगमले शनिबार राति १२ बजेदेखि लागू हुनेगरी पेट्रोलियम पदार्थको नयाँ मूल्य सार्वजनिक गर्दैछ ।