राजेश स्पन्दनको गजल

ए प्यारी मलाइ यो रातले, किन सताउँछ होला

तिम्रै ति मिठा बात-बातले, किन सताउँछ होला

यता कोल्टे फेर्छु, उता कोल्टे फेर्छु निन्द्रामा म

अनि सिरानी तिम्रै हातले, किन सताउँछ होला

अनिन्द्रो भएको छ, आँखामा भएका सपनीहरु

यसरी माया भन्ने जातले, किन सताउँछ होला ।

कल्पना गर्छु कोल्टै फेर्दै गर्दा, तिमीसंगै भएको

यो तिम्रा यादका खातले, किन सताउँछ होला ।

के सार्है नशा चड्यो ममा, तिम्रो प्रेमको पियारी

तिम्रो मन्द हासोँको मातले, किन सताउँछ होला

राजेश स्पन्दन, भक्तपुर