स्कुटर अनियन्त्रित भए पछी भीरबाट खसेर शिक्षिकाको मृत्यु

काठमाडौं– नुवाकोटको दुप्चेश्वर गाउँपालिका–६ की  शिक्षिका राधिका आचार्य विद्यालयमा पढाउन स्कुटरमा जाँदै गर्दा  लडेर ज्यान गएको छ।

तादी गाउँपालिका–४ को सुन्दरा माध्यमिक विद्यालयमा पढाउन जाने क्रममा ३५ वर्षीया आचार्य चढेको स्कुटर भीरबाट खसेको थियो। भीरबाट खसेपछि स्कुटरसहित उनलाई खोलाले बगाएको थियो।

उनी बा ९७ प ६९२५ नम्बरको स्कुटरमा विद्यालय जाँदै थिइन्  स्कुटर अनियन्त्रित भएर दुर्घटनाभएपछि खोलाले बगाउँदा आचार्यको ज्यान गएको हो । । उनको घर दुप्चेश्वर गाउँपालिका–६मा पर्छ ।

घटनास्थलभन्दा पाँच सय मिटर तलबाट उनको उद्धार गरे बचाउन नसकिएको प्रहरीले जनाएको छ।