मछिन्द्र र ब्लु स्टार भिड्दै

फुटबल– एएफसी कप छनोट–२०२२ को प्ले अफ अन्तर्गत नेपालको मछिन्द्र फुटबल क्लबले आज श्रीलंकन क्लब ब्लु स्टारसँग प्रतिस्पर्धा गर्दैछ । एु डिभिजन लिग च्याम्पियन मछिन्द्रले त्रिपुरेश्वरस्थित दशरथ रंगशालामा बेलुका ५ बजे ब्लु स्टारसँग खेल्ने छ ।

मछिन्द्रले पहिलो पटक एएफसी कप छनोट खेल्न लागेको हो । अघिल्लो पटक क्लब लाइसेन्स नभएको कारण मछिन्द्रले छनोट खेल्ने मौका गुमाएको थियो ।
मछिन्द्र आफ्नो पहिलो सहभागितामै घरेलु मैदानमा हुने यो खेलबाट समूह चरणसम्म पुग्न चाहन्छ । तर यो अन्तराष्ट्रिय खेलमा मछिन्द्रलाई दबाब नै रहेको छ ।

श्रीलंकन क्लब ब्लु स्टार श्रीलंका लिगको च्याम्पियन रहेको छ ।

यस खेलको विजेताले दोस्रो चरणमा भारतको मोहन बगानसँग खेल्नेछ । जुन खेल अप्रिल १२ मा हुनेछ ।

मछिन्द्रले यस खेलको टिकट दर १ हजार र ५ सय राखेको छ । भीआईपीतर्फ १ हजार र सामान्यतर्फ ५ सयको टिकट दर राखिएको छ ।

खेल अघि सबिन राईको कन्सर्ट हुनेछ ।