मलेसियाको जितमा पीएनजीको दोस्रो हार

काठमाडौँ– त्रिकोणात्मक टी–ट्वान्टी अन्तराष्ट्रिय श्रृङ्खलामा पपुवा न्युगिनी (पीएनजी)ले लगातार दोस्रो हार ब्यहोरेको छ । श्रृङ्खलाको दोस्रो खेलमा मलेसियासँग रनले पराजित हुँदा पीएनजी दुइपटक पराजित भएको हो । पहिलो खेलमा पीएनजी नेपालसँग १५ रनले पराजित भएको थियो ।

मलेसियाले दिएको १ सय ८१ रनको लक्ष्य पछ्याएको पीएनजीले १९ ओभर ३ बलमा अलआउट हुँदै १ सय ७२ रन मात्र बनाउन सक्यो ।

पीएनजीका लागि टोनी उराले ५६ रनको अर्धशतकीय इनिङ खेले । यस्तै नोर्मान भानुवाले ४५ रन बनाए ।

सिमोन अटाइले १५ रन जोड्दा असाद भाला ११ रनमा आउट भए ।

मलेसियाका लागि शर्भिन मुनियाण्डीले ४ विकेट लिए । यस्तै मुहमद वाफिक र विरन्दिप सिंहले ३-३ विकेट लिए ।

यस अघि टस जितेर पहिले ब्याटिङ गरेको मलेसियाले २० ओभरमा ३ विकेट गुमाएर १ सय ८० रन बनाएको थियो ।

मलेसियाका लागि कप्तान अहमद फाईज र विरन्दिप सिंहले अर्धशतकीय इनिङ्स खेले ।

विरन्दिपले अविजित रहदै ५९ रन जोड्दा अहमद ५६ रनमा आउट भए ।

यस्तै साएद अजिज ४७ रनमा आउट भए । पीएनजीका नोर्मन भानुवाले २ तथा नोसेन पोकानाले १ विकेट लिए ।

श्रृङ्खलामा भोलि नेपालले आफ्नो दोस्रो खेलमा मलेसियासँग प्रतिस्पर्धा गर्नेछ ।