जापानले दियो नेपाललाई २ अर्ब ६१ करोड बराबरको अनुदान

काठमाडौं- जापान सरकारले नेपाललाई २ अर्ब ३१ करोड रुपैयाँ बराबरको अनुदान सहायता उपलब्ध गराएको छ ।
अर्थ मन्त्रालयका अनुसार यस्तो अनुदान आदान–प्रदान पत्रमा बिहीबार हस्ताक्षर भएको छ । पत्रमा अर्थसचिव मधुकुमार मरासिनी र नेपालका लागि जापानका राजदूत किकुता युटाकाले हस्ताक्षर गरेका छन् ।
जापानले उपलब्ध गराउने यो अनुदान रकम रकम विराटनगर खानेपानी सुधार आयोजनाका लागि खर्च गर्ने अर्थमन्त्रालयले जनाएको छ ।

जापानले नेपालका लागि समयसमयमा अनुदान उपलब्ध गराउँदै आएको छ । जापान नेपाललाई सबैभन्दा धेरै अनुदान उपलब्ध गराउने मुलुक पनि हो ।