५ मिनेटमै ५० प्रतिशत चार्ज हुने, अहिलेसम्मकै फास्ट चार्जर सार्वजनिक

काठमाडौं । रियलमीले मोबाइल वर्ल्ड कंग्रेस २०२२ मा रियलमी १५० अल्ट्राडार्ट चार्जिङ प्रविधि सार्वजनिक गरेको छ । कम्पनीले रियलमी स्मार्टफोन सिरिज जीटी टुसँगै यो नयाँ चार्जर प्रस्तुत गरेको हो ।

१५० वाटको चार्जरबाट पाँच मिनेटमा मोबाइलको ब्याट्री ५० प्रतिशत चार्ज हुने यो चार्जरमा तीन ओटा प्रविधिको प्रयोग गरिएको छ ।जसमा मल्टी बुस्ट चार्जिङ पम्प, टेम्प्रेचर म्यानेजमेन्ट एल्गोरिदम र नयाँ लिथियम ब्याट्री रहेका छन् ।

यो चार्जरले ब्याट्रीको तापक्रम ४३ डिग्रीभन्दा कम राख्दै पाँच मिनेटमा ५० प्रतिशत चार्ज गर्नेछ । रियलमीले आफ्नो यो चार्जिङ प्रविधिको डेमो समेत मोबाइल वर्ल्ड कंग्रेस २०२२ मा देखाएको छ ।

रियलमीको यो अल्ट्राडार्ट चार्जिङ प्रविधि १०० देखि २०० वाट चार्जिङ पावर सपोर्ट गर्ने विश्वकै पहिलो प्रविधि हो ।