राजेश स्पन्दनको गजल”जात”

तिमी ठूलो र म सानो भन्ने पनि जात हुन्छ र?

तिम्रा लागि छुट्टै अनि मेरा अलग रात हुन्छ र?

जब सृष्टिकर्ताले कुनै जाती छुट्याएनन भने

तिमी छुत र म अछुत भन्ने पनि बात हुन्छ र?

मैले खोपेर बनाको भगवान पुज्छौ भने तिमी

फेरि त्यही भगवान खोप्ने अछुत हात हुन्छ र?

तिमी मसंगै गाँसिएर एउटै बोटमा बसेका छौ

एउटै हागाँमा रहेको बेग्ला बेग्लै पात हुन्छ र?

कुन नश्लवादको कुरा गर्छौ र मित्र अझैसम्म

माया गरी चोट दिदैँ नीच देखाउने साथ हुन्छ र?

✍️✍️राजेश स्पन्दन, भक्तपुर